 |
أنا طالب في الصف الثاني الثانوي النظام الجديد 2020 ( دفعه التابلت) .
محتار أدخل علمي علوم ولا علمي رياضه ، خايف أخد قرار ومجبش مجموع عالي ومدخلش كليه من كليات القمه .
فقلت لنفسي لو دخلت علمي رياضه وجبت مثلا مجموع متوسط هدخل هندسه ، وفي علمي علوم لازم أجيب فوق ال ٩٥% عشان أدخل كليه من كليات القمه . بس علمي رياضه أصعب من علمي علوم وصعب أجيب فيه مجموع عالي .فأنا مبقتش عارف أعمل أيه فحسبتها بالعقل وفكرت فيها كويس وقولت أشوف أيه الفرق بينهم .
الفرق بينهم :- إنك هتدرس في علمي علوم :- أحياء وجولوجيا أما علمي رياضه:- يوجد رياضه بحته وتنقسم إلي عده أقسام ورياضه تطبيقيه تنقسم إلي عده أقسام . فإنت هتدرس مادتين في علمي علوم مقابل ٦ مواد في علمي رياضه .
فإنت لو دخلت علمي رياضه هتهتم بي ٦ فروع رياضه وممكن تقفل في مجالات الرياضه بس مش هتدي باقي المواد حقها في المذاكرة عشان مفيش وقت تذاكرهم كويس عشان الرياضه هتبقي واخده كل وقتك فممكن تجيب الدرجات النهائيه في الرياضه بس تنقص في باقي المواد .
أما علمي علوم مادتين فقط فسهل تذاكرهم وعلمي علوم سهل وسهل إن إنت تجيب فيه مجموع عالي وتلحق كليات القمه
فأنا قررت أدخل علمي علوم .
الكلام اللي أنا كاتبه للطلاب اللي محتارين يدخلوا أيه واللي مش محددين هدفهم أيه .
أما الطلاب اللي محددين هدفهم وعارفين هما عاوزين يبقوا أيه في المستقبل وعارفين هما هيدخلوا أيه فالكلام ده مش ليهم .
الطريقه الثانيه :-
إن إنت تعمل إستخاره وتستخير ربنا .
وأنا أفضل هذه الطريقه .
ليست هناك تعليقات:
إرسال تعليق